اغنيه وشعر للشعب العراقي الجريح

بغربة جينة وبعد فترة طاح وتمرض ابونة
وهو نايم بالفراش الناس جانوا يزورونة
لااخت لا ام عندي ليجون وايشوفونة
اهلي كلهم بالعراق وانه وياه سفرونة
يكلي ابوي ارد اشوف ولدي وبناتي يجونة
بويه حس ايام عمره كضت رايد اودعونة
وهذا طبعاً مستحيل احنة وين وهمه وين ليجونه
ومات ابوية بغربة تالي بس ابد ما غمض عيونة
اسد عينة يرد يفكهة كالوا عينة عالطريق ايريد الناس اليجونة
وتالي هلينة التراب عليه وابد ما غمضت اجفونة
جم وجم واحد تغرب ظلم مات ومنتضر باقي الاهل مثل ابونة
اخ يا ظلم البشر من دون داعي دمرونة

وكفت اتذكر وانه عالكبر واكف اشلون جنة
شلون بيام الطفولة جان ابونة يدللنة
يشتغل يتعب ايجاهد لاجل ما نرتاح احنة
ابد مايهتم شيلبس لاجل النة ايلبسنة
وما يفكر بأكلة هو ودومة ايجيب ويشبعنة
شكد حنين وجان ايبوسنة ولصدرة من ايضمنة
شمحلة ذاك الوكت جانت الدنيا كلهة جنهة النة
بس يا حسافة من كبرنة
طلب منّة انجيبلة اعزاز كلبة وما كدرنة
ومات ابونة بحسرة تالي وابد ما ينشف عليك يابة دمعنا
وابد ما ينشف عليك يابة دمعنة
• بعد وظلم عن اهلة وناسة
• بغرب ما عندة ابد ظلت وناسة
• البشر لو فكد اهلة وناسة
• اظن الموت له رحمة وشفية

تلميذهـ بالحب كتب:

بس يا حسافة من كبرنة
طلب منّة انجيبلة اعزاز كلبة وما كدرنة
ومات ابونة بحسرة تالي وابد ما ينشف عليك يابة دمعنا
وابد ما ينشف عليك يابة دمعنة

ربي يجمع شملكم وينصركم ويقوي باااااااسكم


تحياتي

الله يحميي العراق وشبعها يااااااااااااااااااااااااااارب

يسلموو

::تحياتي

ميرسي ليك ع الاغنيه

الله يحمي العراق واهلها

تحياتي ليك

الله يحمي عراقنا
وربنا معكم ....

لا الاه الا الله محمد رسول الله
تسلم الايادي تيمو موفق يا الغالي

يسلمووعلى الاغنيه